2018 оны 12 дугаар сарын эхний арав хоногийн ХААЦУ-ын тойм

                                            2018 оны 12-р сарын 1-р арав хоногийн

цаг агаарын тойм

        2018 оны 12-р сарын 11

Агаарын температур:

Энэ арав хоногт агаарын дундаж температур Говь талын нутгаар 19-24 градус хүйтэн, бусад нутгаар 25-34 градус хүйтэн, нийт нутгаар уур амьсгалын дунджаас 1.2-9.2 градусаар хүйтэн байлаа. Өдөртөө -5 градус хүйтнээс 5  градус дулаан, шөнөдөө -29 ... -42 градус, хамгийн хүйтэн нь Баянтэс -42, Цэцэн-уул -41, Отгон -40 градус байсан бол Ургамал суманд -29 градус бусад нутгаар 30 градусаас хүйтэн хоногийн тоо 2-10 удаа байлаа.

Хөрсний температурын хувьд:

Энэ арав хоногт хөрсний дундаж температур говь талын нутгаар 18-23 градус хүйтэн, бусад нутгаар 24-35 градус хүйтэн, Өдөртөө 8 градус хүйтнээс 5 градус дулаан,  шөнөдөө -30 ...-45 градус, Отгон, Тэс -45, Цэцэн-уул -44, Баянхайрхан -43, Баянтэс, Тосонцэнгэл -42, Түдэвтэй -41, Тэлмэн -40 градус, 40 градусаас хүйтэн хоногийн тоо 1-5 удаа байлаа.

Хур тунадас:  

Энэ арав хоногт Ургамал сумдын нутгаар тунадас ороогүй, бусад нутгаар 0.0-2.6 мм тунадас орсон бөгөөд Баянхайрхан, Яруу уур амьсгалын дунджийн орчим, Шилүүстэй уур амьсгалын дунджаас ахиу, бусад сумдын нутгаар уур амьсгалын дунджаас бага тунадас орсон байна.

Салхи:

Энэ 10 хоногт нийт нутгаар салхины дундаж их хурд 12-18 м/с, түр зуур 20-24 м/с, хамгийн их нь Цэцэн-уул, Түдэвтэй 24 м/с, Ургамал 22м/с,  Завханмандал, Алдархаан, Цагаанчулуут, Эрдэнэхайрхан сумдад 20 м/с хүрч салхилсан байна.

Цасан бүрхүүл: Дөрвөлжин, Завханмандал, Ургамал сумдын нутгаар цасан бүрхүүл байхгүй.

Улиастай 9 см, Яруу, Баянхайрхан 8 см, Баянтэс, Тэс 6 см, Цэцэн-уул, Тосонцэнгэл, Идэр, Цагаанхайрхан, Цагаанчулуут 3 см,  Нөмрөг, Отгон, Их-уул, Сонгино, Түдэвтэй, Тэлмэн, Шилүүстэй, Эрдэнэхайрхан 1 см зузаан цасан бүрхүүлтэй, цасны дундаж нягт Баянтэс 0.23 г/см³, Яруу 0.15 г/см³, Улиастай 0.10 г/см³, Баянхайрхан 0.09 г/см³, Тэс 0.09 г/см³ байлаа. Алдархаан, Сантмаргаз сумууд уулаараа болон уулын ар хэсэг цастай байна. Энэ арав хоногт салхи шуурга ихтэй байсан тул гуу жалгандаа хунгартай, зарим тал хээр газраа тарлантсан байна.

Хөдөө аж ахуйн үйлдвэрлэлд:

Ихэнх сумдын нутгаар малчид отор нүүдэл хийх, малд нэмэгдэл тэжээл өгөх ажил үргэлжиж байна.

                                                                     Тойм бичсэн: ХААЦУ-ын ахлах техникч М.Өсөхбаяр